ព្រឹកថ្ងៃទី១៣ ខែកុម្ភៈ ឆ្នាំ២០២៤ ឯកឧត្តម កុល វីរក្ស រដ្ឋលេខាធិការ ក្រសួងមហាផ្ទៃ អមដំណើរដោយ លោកប្រធាននាយកដ្ឋាន និងមន្រ្តីពាក់ព័ន្ធ ចុះពិនិត្យការដ្ឋានសាងសង់សាលាជាតិរដ្ឋបាលមូលដ្ឋាន។

សូមជម្រាបជូនថា គម្រោងសាងសង់អគារសិក្សា និងអន្តេវាសិកដ្ឋាន របស់សាលាជាតិរដ្ឋបាលមូលដ្ឋាន  ក្រសួងមហាផ្ទៃ  ត្រូវបានរៀបចំធ្វេីពិធីបញ្ចុះបឋមសិលាបើកការដ្ឋានសាងសង់នាព្រឹកថ្ងៃទី១៩ ខែមករា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់  ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ 

គម្រោងសាងសង់អគារសិក្សា និងអន្តេវាសិកដ្ឋាននេះ ត្រូវបានសាងសង់នៅលើផ្ទៃដីទំហំប្រមាណជា៨ហិកតា ដោយរួមបញ្ចូលនូវហេដ្ឋារចនាសម្ព័ន្ធផ្លូវ ចំណត ទីលានកីឡា និងសួនច្បារផងដែរ។ អគារសិក្សាថ្មី មានទំហំបណ្ដោយ៨០ម៉ែត្រ ទទឹង៥០ម៉ែត្រ កំពស់៣ជាន់ ចំណែកអគារអន្តេវាសិកដ្ឋានមានទំហំបណ្ដោយ៦០ម៉ែត្រ ទទឹង៣០ម៉ែត្រ កំពស់២ជាន់  រយៈពេលសាងសង់២០ខែ៕

រាជធានីភ្នំពេញ៖ នា