ភ្នំពេញ៖ ព្រឹកថ្ងៃទី១៤ ខែកុម្ភៈ ឆ្នាំ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញជាអធិបតី ដឹកនាំកិច្ចប្រជុំពិនិត្យពិភាក្សាលើសេចក្តីព្រាងសេចក្តីសម្រេច ស្តីពីការបង្កើតក្រុមស្រាវជ្រាវ និងអភិវឌ្ឍន៍របស់សាលាជាតិរដ្ឋបាលមូលដ្ឋាន ដោយមានការចូលរួមពីឯកឧត្តម លោកជំទាវនាយករង លោក លោកស្រីប្រធាន អនុប្រធាននាយកដ្ឋាន និងមន្ត្រីពាក់ព័ន្ធជាច្រើនរូប នៅការិយាល័យឯកឧត្តមនាយក។

កិច្ចប្រជុំនេះ រៀបចំឡើងក្នុងគោលបំណង ពិនិត្យពិភាក្សាលើសេចក្តីព្រាងសេចក្តីសម្រេច ស្តីពីការបង្កើតក្រុមស្រាវជ្រាវ និងអភិវឌ្ឍន៍របស់សាលាជាតិរដ្ឋបាលមូលដ្ឋាន ដើម្បីសិក្សាស្រាវជ្រាវអំពីការលើកកម្ពស់គុណភាពនៃកម្មសិក្សានិងការបណ្តុះបណ្តាល ផ្តួចផ្តើមរៀបចំកម្មវិធីសិក្សា គម្រោង និងឬសកម្មភាពភាពនានាបម្រើឱ្យការងារជាសមត្ថកិច្ចរបស់សាលាជាតិរដ្ឋបាលមូលដ្ឋាន និងសិក្សាស្រាវជ្រាវ និងឬរៀបចំយុទ្ធសាស្ត្រពាក់ព័ន្ធការលើកកម្ពស់គុណភាព និងប្រសិទ្ធភាពនៃការអនុវត្តតួនាទី ភារកិច្ចរបស់សាលាជាតិរដ្ឋបាលមូលដ្ឋាន៕