រាជធានីភ្នំពេញ៖ នាព្រឹកថ្ងៃទី៩ ខែឧសភា ឆ្នាំ២០២៤ លោកជំទាវ ជី ច័ន្ទរស្មី នាយករងសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញដឹកនាំកិច្ចប្រជុំដើម្បីពិនិត្យវឌ្ឍនភាពការងាររបស់ក្រុមការងារស្រាវជ្រាវអភិវឌ្ឍន៍សមត្ថភាព ដោយមានការអញ្ជើញចូលរួមពីសំណាក់ លោក លោកស្រី សមាជិក សមាជិកា នៃក្រុមការងារស្រាវជ្រាវអភិវឌ្ឍន៍សមត្ថភាព សរុបចំនួន ០៧រូប ស្រី ០៥រូប នៅបន្ទប់ប្រជុំសាលាជាតិរដ្ឋបាលមូលដ្ឋាន ទីស្តីការក្រសួងមហាផ្ទៃ។

កិច្ចប្រជុំនេះមានគោលបំណងពិនិត្យខ្លឹមសារសំណួរដើម្បីធ្វើការប៉ាន់ប្រមាណតម្រូវការអភិវឌ្ឍន៍សមត្ថភាពមន្ត្រីរាជការស៊ីវិលនៅទីស្តីការក្រសួងមហាផ្ទៃ និងធនធានមនុស្សនៅរដ្ឋបាលថ្នាក់ក្រោមជាតិ៕