រាជធានីភ្នំពេញ៖ នៅព្រឹកថ្ងៃចន្ទ ៦កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៣ ខែឧសភា ឆ្នាំ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំត្រួតពិនិត្យ ពិភាក្សាវឌ្ឍនភាពការងារក្រុមស្រាវជ្រាវនិងអភិវឌ្ឍន៍ និងក្រុមជំនាញ របស់សាលាជាតិរដ្ឋបាលមូលដ្ឋាន ដោយមានការអញ្ជើញចូលរួមពីឯកឧត្តម លោកជំទាវនាយករង និងលោក លោកស្រីជាក្រុមការងារ នៅបន្ទប់ប្រជុំខេត្តរតនគិរី ទីស្តីការក្រសួងមហាផ្ទៃ។

កិច្ចប្រជុំនេះ រៀបចំឡើងក្នុងគោលបំណង ពិនិត្យ ពិភាក្សា និងប្រមូលធាតុចូល ដើម្បីបំពេញខ្លឹមសារបន្ថែមលើឯកសាររបស់ក្រុមការងារនីមួយៗ ដែលបានរៀបចំកន្លងមក ឱ្យមានអត្ថន័យគ្រប់ជ្រុងជ្រោយ និងទទួលយកបាន៕