ភ្នំពេញ៖ នាព្រឹកថ្ងៃអង្គារ ១៤កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២១ ខែឧសភា ឆ្នាំ២០២៤ លោក ឯមតាន់ សុផានិត ប្រធាននាយកដ្ឋានផែនការ និងកិច្ចសហប្រតិបត្តិការ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញដឹកនាំកិច្ចប្រជុំពិភាក្សាលើសេចក្ដីព្រាងសេចក្ដីសម្រេចស្ដីពីការបែងចែកប្រគល់ភារកិច្ច ការទទួលខុសត្រូវ និងកំណត់របៀបរបបការងាររបស់អនុប្រធាននាយកដ្ឋាន ព្រមទាំងសំណេះសំណាលជាមួយថ្នាក់ដឹកនាំ និងមន្ត្រីចំណុះនាយកដ្ឋាន សរុបចំនួន១៧រូប (ស្រី០៨រូប) នៅបន្ទប់ប្រជុំសាលាជាតិរដ្ឋបាលមូលដ្ឋាន ទីស្តីការក្រសួងមហាផ្ទៃ។

កិច្ចប្រជុំនេះ រៀបចំឡៀងក្នុងគោលបំណងសំណេះសំណាល ពិភាក្សា និងបែងចែកភារកិច្ចជូន លោក លោកស្រី ដែលជាអនុប្រធាននាយកដ្ឋាន ព្រមទាំងផ្ដល់ការណែនាំលើការងារអាទិភាពមួយចំនួនស្របតាមតួនាទី ភារកិច្ចរបស់នាយកដ្ឋានផែនការ និងកិច្ចសហប្រតិបត្តិការ។