ភ្នំពេញ៖ នាព្រឹកថ្ងៃទី២៤ ខែឧសភា ឆ្នាំ២០២៤ លោក លឹម ពុទ្ធារី ប្រធាននាយកដ្ឋានបណ្តុះបណ្តាលនៃសាលាជាតិរដ្ឋបាលមូលដ្ឋាន ក្រសួងមហាផ្ទៃ និងជាប្រធានគ្រប់គ្រងគម្រោងសាលាជាតិរដ្ឋបាលមូលដ្ឋាន តំណាង ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន និងជានាយកគ្រប់គ្រងគម្រោងសាលាជាតិរដ្ឋបាលមូលដ្ឋាន បានអញ្ជើញចូលរួមកិច្ចប្រជុំបូកសរុបស្តីពីការត្រួតពិនិត្យឡើងវិញរួមគ្នាលើការអនុវត្តគម្រោងវិនិយោគសាធារណៈហិរញ្ញប្បទានពីដៃគូអភិវឌ្ឍសម្រាប់ឆ្នាំ២០២៣ នៅសណ្ឋាគារ Sun & Moon River។

សូមជម្រាបថា កិច្ចប្រជុំនេះរៀបចំឡើងដោយក្រសួងសេដ្ឋកិច្ច និងហិរញ្ញវត្ថុ ក្នុងគោលបំណងធ្វើការបូកសរុប លើលទ្ធផលដែលទទួលបានពីការត្រួតពិនិត្យឡើងវិញរួមគ្នាលើការអនុវត្តគម្រោងវិនិយោគសាធារណៈហិរញ្ញប្បទានពីដៃគូអភិវឌ្ឍសម្រាប់ឆ្នាំ២០២៣ និងពិភាក្សាលើបញ្ហាប្រឈម ព្រមទាំងពិភាក្សាលើសំណើសម្រាប់ផែនការសកម្មភាពរួមឆ្នាំ២០២៤៕