ភ្នំពេញ៖ នារសៀលថ្ងៃទី២៧ ខែឧសភា ឆ្នាំ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន អញ្ជេីញដឹកនាំកិច្ចប្រជុំបែងចែកតួនាទីភារកិច្ច និងរៀបចំមាតិកាឯកសារបណ្តុះបណ្តាលសម្រាប់ វគ្គបណ្តុះបណ្តាលតម្រង់ទិសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៤ ដែលមានសមាជិក សមាជិកាចូលរួមសរុបចំនួន ២៣រូប (ស្រី ១០រូប) នៅបន្ទប់ខេត្តស្ទឹងត្រែង ទីស្តីការក្រសួងមហាផ្ទៃ។ 

កិច្ចប្រជុំនេះ រៀបចំឡេីងក្នុងគោលបំណង បែងចែកតួនាទី ភារកិច្ចក្រុមការងារ និងពិភាក្សា កែសម្រួលមាតិកាឯកសារបណ្តុះបណ្តាល សម្រាប់រៀបចំវគ្គបណ្តុះបណ្តាលក្រុមប្រឹក្សារាជធានី ខេត្ត ក្រុង ស្រុក ខណ្ឌ ជាប់ឆ្នោតថ្មី អាណត្តិទី៤ ដើម្បីឱ្យគាត់បំពេញការងារប្រកបដោយប្រសិទ្ធភាព និងការទទួលខុសត្រូវខ្ពស់៕