ភ្នំពេញ៖ រសៀលថ្ងៃទី២៨ ខែឧសភា ឆ្នាំ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញធ្វើបទឧទ្ទេសនាមលើមេរៀន ការតាក់តែងអត្ថបទ ក្នុងវគ្គបណ្តុះបណ្តាលជំនាញ ស្តីពី “កិច្ចការរដ្ឋបាលទូទៅ និងការតាក់តែងអត្ថបទ” ជូនថ្នាក់ដឹកនាំ និងមន្ត្រីអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ចំនួន៦០រូប នៅអគារស្ថានីយ៍វិទ្យុ និងទូរទស្សន៍មហាផ្ទៃ ជាន់ទី៥ ទីស្ដីការក្រសួងមហាផ្ទៃ។

សូមជម្រាបថា វគ្គបណ្តុះបណ្តាលនេះ រៀបចំឡើងក្រោមកិច្ចសហការរវាង សាលាជាតិរដ្ឋបាលមូលដ្ឋាន និង អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ មានរយៈពេល០៥ថ្ងៃ ចាប់ពីថ្ងៃទី២៧ ដល់ថ្ងៃទី៣១ ខែឧសភា ឆ្នាំ២០២៤ ក្នុងគោលបំណងពង្រឹងសមត្ថភាពបន្ថែមដល់ន្រ្តីចំណុះអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្នុងការបំពេញការងាលើជំនាញកិច្ចរដ្ឋបាលទូទៅ និងការតាក់តែងអត្ថបទ ឱ្យកាន់តែល្អប្រសើរ ប្រកបដោយប្រសិទ្ធភាព និងប្រសិទ្ធផល៕