ខេត្តកំពង់ចាម៖ នាព្រឹកថ្ងៃចន្ទ ៣កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣១ ខែមីនា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជើញជាអធិបតីក្នុងពិធីបើកវគ្គអន្តរាគមន៍អភិវឌ្ឍន៍សមត្ថភាពសម្រាប់ក្រុមគោលដៅជាមន្ត្រីរាជការនៃរដ្ឋបាលខេត្តកំពង់ចាម ដោយមានការអញ្ជើញចូលរួមពីឯកឧត្តមអភិបាលរងខេត្ត លោកនាយករដ្ឋបាលខេត្ត  ក្រុមការងារសាលាជាតិរដ្ឋបាលមូលដ្ឋាន និងសិក្ខាកាមដែលអញ្ជើញមកពីរដ្ឋបាលខេត្ត និងរដ្ឋបាលក្រុង ស្រុក ព្រមទាំងឯកឧត្តម លោកជំទាវសមាជិកក្រុមប្រឹក្សាខេត្ត សរុប៥៧រូប (ស្រី១២រូប) នៅសាលប្រជុំសាលាខេត្តកំពង់ចាម។

សូមជម្រាបថា សាលាជាតិរដ្ឋបាលមូលដ្ឋាន  សហការជាមួយរដ្ឋបាលខេត្តកំពង់ចាម រៀបចំវគ្គបណ្តុះបណ្តាលនេះ ដែលមានរយៈពេល៥ថ្ងៃ ចាប់ថ្ងៃទី៣១ ខែមីនា ដល់ថ្ងៃទី៤ ខែមេសា ឆ្នាំ២០២៥៕