រាជធានីភ្នំពេញ៖ នាព្រឹកថ្ងៃសុក្រ ១៣កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី៩ ខែឧសភា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ អញ្ជើញដឹកនាំសហការីចូលរួមកិច្ចប្រជុំពិគ្រោះយោបល់ ស្តីពីការពិនិត្យឡើងវិញរួមគ្នាលើការអនុវត្តគម្រោងវិនិយោគសាធារណៈហិរញ្ញប្បទានពីដៃគូអភិវឌ្ឍន៍ សម្រាប់ឆ្នាំ២០២៤ "2024 Joint Country Portfolio Performance Review (JCPPR)” ដែលរៀបចំដោយក្រសួងសេដ្ឋកិច្ច និងហិរញ្ញវត្ថុ នៅសណ្ឋាគារ សាន់ អេន ម៉ូន រីវើសាយ។