ភ្នំពេញ៖ នាព្រឹកថ្ងៃអង្គារ ៩រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែឧសភា ឆ្នាំ២០២៥នេះ ឯកឧត្តម លី ពៅមណីរត្ន នាយករងសាលា និងលោក ឯមតាន់ សុផានិត ប្រធាននាយកដ្ឋានផែនការនិងកិច្ចសហប្រតិបត្តិការ នៃសាលាជាតិរដ្ឋបាលមូលដ្ឋាន បានអញ្ជើញចូលរួមកិច្ចប្រជុំពិនិត្យនិងផ្ដល់យោបល់លើសេចក្ដីព្រាងផែនការយុទ្ធសាស្ត្រ ស្ដីពីការគ្រប់គ្រងនិងអភិវឌ្ឍន៍ធនធានមនុស្ស របស់ក្រសួងមហាផ្ទៃ រយៈពេល៥ឆ្នាំ(២០២៥-២០២៩) ក្រោមអធិបតីភាព ឯកឧត្ដមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ និងជាប្រធានគណៈកម្មការចំពោះកិច្ច។

កិច្ចប្រជុំនេះ ក៏មានការអញ្ជើញចូលរួមពី ឯកឧត្ដមរដ្ឋលេខាធិការ ឯកឧត្ដមអគ្គនាយក ឯកឧត្តម លោកជំទាវតំណាងអង្គភាពនានាចំណុះក្រសួងមហាផ្ទៃ សរុបចំនួន៤៧រូប នៅបន្ទប់ប្រជុំខេត្តឧត្ដរមានជ័យ នៃទីស្ដីការក្រសួងមហាផ្ទៃ៕