ភ្នំពេញ៖ នាព្រឹកថ្ងៃសុក្រ ៤កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែឧសភា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញដឹកនាំកិច្ចប្រជុំពិនិត្យរបាយការណ៍វឌ្ឍនភាពការងារប្រចាំខែឧសភា និងទិសដៅការងារខែមិថុនា ឆ្នាំ២០២៥ របស់សាលាជាតិរដ្ឋបាលមូលដ្ឋាន ដោយមានការអញ្ជើញចូលរួមពីសំណាក់ឯកឧត្តម លោកជំទាវនាយករង លោក លោកស្រី ប្រធាន អនុប្រធាននាយកដ្ឋាន ប្រធានការិយាល័យ និងមន្ត្រីពាក់ព័ន្ធចំនួន ២៥រូប (ស្រី ៦រូប) នៅបន្ទប់ប្រជុំខេត្តសៀមរាប ទីស្តីការក្រសួងមហាផ្ទៃ។

ជាលទ្ធផល អង្គប្រជុំបានពិនិត្យលេីខ្លឹមសារនៃរបាយការណ៍ និងបានកែសម្រួលខ្លឹមសារតាមរយៈការផ្តល់អនុសាសន៍ពីអង្គប្រជំ។ ជាមួយគ្នានេះដែរ ឯកឧត្តមនាយក ក៏បានផ្តល់អនុសាសន៍ណែនាំមួយចំនួនដល់នាយកដ្ឋានជំនាញ ក្នុងអនុវត្តការងារអាទិភាពមួយចំនួនស្របតាមតួនាទី ភារកិច្ច ជាពិសេសត្រូវពង្រឹងវត្តមានមន្ត្រីក្នុងការមកបំពេញការងារ៕