ភ្នំពេញ៖ រសៀលថ្ងៃសុក្រ ៤កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែឧសភា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានដឹកនាំក្រុមការងារសាលា ចុះពិនិត្យការដ្ឋានសាងសង់អគារសិក្សា និងអន្តេវាសិកដ្ឋាន នៃសាលាជាតិរដ្ឋបាលមូលដ្ឋាន។

សូមជម្រាបថា អគារសិក្សា និងអគារអន្តេវាសិកដ្ឋាននៃសាលាជាតិរដ្ឋបាលមូលដ្ឋានសាងសង់ឡើង តាមរយៈ គម្រោងសាលាជាតិរដ្ឋបាលមូលដ្ឋាន ដែលជាគម្រោងទទួលបានហិរញ្ញប្បទានពីធនាគារអភិវឌ្ឍន៍អាស៊ី(ADB) ដោយសាងសង់ឡើងលើទំហំផ្ទៃដីជិត ៨ហិកតា មានទីតាំងស្ថិតនៅសង្កាត់គោករការ ខណ្ឌព្រែកព្នៅ រាជធានីភ្នំពេញ៕