រាជធានីភ្នំពេញ៖ នារសៀលថ្ងៃអង្គារ ៨កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣ ខែមិថុនា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានដឹកនាំសហការីជួបប្រជុំពិភាក្សាការងារជាមួយ លោកស្រី អាលីហ្សា ឆាកឃឺ អ្នកតំណាងកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា និងសហការី នៅទីស្នាក់ការរបស់UNDP ដែលមានអ្នកចូលរួមសរុបចំនួន ១៥រូប (ស្រី៧រូប)។

សូមជម្រាបថា កិច្ចប្រជុំនេះ រៀបចំឡើងក្នុងគោលបំណងស្វែងយល់ និងពិនិត្យ ពិភាក្សាអំពីលទ្ធភាពក្នុងការសហការរវាងសាលាជាតិរដ្ឋបាលមូលដ្ឋាន និងកម្មវិធីអភិវឌ្ឍន៍សហប្រជាជាតិ (UNDP) ពាក់ព័ន្ធនឹងការរៀបចំបង្កើតមជ្ឈមណ្ឌលនវានុវត្តន៍របស់សាលាជាតិរដ្ឋបាលមូលដ្ឋាន ក្រសួងមហាផ្ទៃ។