រាជធានីភ្នំពេញ៖ នាព្រឹកថ្ងៃពុធ ៩កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៤ ខែមិថុនា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានដឹកនាំសហការី ជួបប្រជុំពិភាក្សាការងារ ជាមួយក្រុមការងារធនាគារអភិវឌ្ឍន៍អាស៊ី(ADB) នៅបន្ទប់ប្រជុំខេត្តកំពង់ចាម ទីស្តីការក្រសួងមហាផ្ទៃ ដែលមានអ្នកចូលរួមសរុបចំនួន ១១រូប (ស្រី២រូប)។

សូមជម្រាបថា កិច្ចប្រជុំនេះ រៀបចំឡើងក្នុងគោលបំណងស្វែងយល់ និងពិនិត្យ ពិភាក្សាអំពីលទ្ធភាពក្នុងការសហការរវាងសាលាជាតិរដ្ឋបាលមូលដ្ឋាន និងធនាគារអភិវឌ្ឍន៍អាស៊ី(ADB) ពាក់ព័ន្ធនឹងគម្រោងBRIDGE Cambodia៕