ភ្នំពេញ៖ នាថ្ងៃចន្ទ ៩កេីត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែតុលា ឆ្នាំ២០២៣ លោក សុខ សួរ អនុប្រធាននាយកដ្ឋានស្រាវជ្រាវនិងផ្សព្វផ្សាយនៃសាលាជាតិរដ្ឋបាលមូលដ្ឋាន ក្រសួងមហាផ្ទៃ អញ្ជើញធ្វើបទបង្ហាញលើប្រធានបទ "ការប្រែប្រួលអាកាសធាតុ" ក្នុងវគ្គបណ្តុះបណ្តាលស្តីពីការបន្ស៉ាំទៅនឹងការប្រែប្រួលអាកាសធាតុ នៅសាលបាត់ដំបង អគារទីស្តីការក្រសួងមហាផ្ទៃ។

សូមជម្រាបថា វគ្គបណ្តុះបណ្តាលនេះ រៀបចំឡើងដោយសាលាជាតិរដ្ឋបាលមូលដ្ឋាន មានរយៈពេល៥ថ្ងៃ គឺចាប់ពីថ្ងៃទី២៣ ដល់ថ្ងៃទី២៧ខែតុលា ឆ្នាំ២០២៣ សម្រាប់ក្រុមគោលដៅជានាយក និងនាយករងទីចាត់ការផែនការនិងវិនិយោគ និងប្រធានការិយាល័យគាំទ្រមូលដ្ឋាន នៃរដ្ឋបាលរាជធានី ខេត្ត សរុបចំនួន ៥៥រូប (ស្ត្រី ៥រូប) ក្នុងគោលបំណងពង្រឹងសមត្ថភាពដល់មន្ត្រី ដើម្បីបង្ការនិងដោះស្រាយបញ្ហាពីការប្រែប្រួលអាកាសធាតុនៅតាមមូលដ្ឋាន៕