រាជធានីភ្នំពេញ៖ នារសៀលថ្ងៃសុក្រ ១២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៤ ខែវិច្ឆិកា ឆ្នាំ២០២៣  លោក លឹម ពុទ្ធារី ប្រធាននាយកដ្ឋានបណ្ដុះបណ្ដាល តំណាងដ៏ខ្ពង់ខ្ពស់ឯកឧត្តម នាយក នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ និងលោកស្រី ឈួន ណារ៉េត តំណាងកម្មវិធីអភិវឌ្ឍន៍សហប្រជាជាតិប្រចាំកម្ពុជា(UNDP) បានអញ្ជើញចូលរួមជាគណៈអធិបតីក្នុងពិធីបិទវគ្គបណ្តុះបណ្តាលស្តីពីមូលដ្ឋាននីយកម្មនៃគោលដៅអភិវឌ្ឍប្រកបដោយចីរភាព នៅសណ្ឋាគារSUN&MOON Urban ។

សូមជម្រាបថា ដោយមានកិច្ចសហការជាមួយ UNDP  សាលាជាតិរដ្ឋបាលមូលដ្ឋាន បានរៀបចំវគ្គបណ្តុះបណ្តាលនេះ មានរយៈពេល ០៥ថ្ងៃ ចាប់ពីថ្ងៃទី២០ ដល់ថ្ងៃទី២៤ ខែវិច្ឆិកា ឆ្នាំ២០២៣ សម្រាប់មន្ត្រីរាជការស៊ីវិលនៅទីស្តីការក្រសួង រាជធានីភ្នំពេញ និងខេត្តកណ្ដាល ដែលមានសិក្ខាកាមសរុបចំនួន៣០រូប ស្រី១១រូប ។