ភ្នំពេញ៖ នារសៀលថ្ងៃអង្គារ ៨រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៥ ខែធ្នូ ឆ្នាំ២០២៣  ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជេីញជាអធិបតី  ដឹកនាំកិច្ចប្រជុំបូកសរុបរបាយការណ៍ស្តីពីសកម្មភាព និងលទ្ធផលការងារប្រចាំខែវិច្ឆិកា និងទិសដៅការងារបន្តសម្រាប់ខែធ្នូ ឆ្នាំ២០២៣ ដោយមានការចូលរួមពីលោក លោកស្រីប្រធាន អនុប្រធាននាយកដ្ឋាន លោក លោកស្រីប្រធាន អនុប្រធានការិយាល័យចំណុះសាលាជាតិរដ្ឋបាលមូលដ្ឋា ន  និងមន្ត្រីពាក់ព័ន្ធ នៅសាលខេត្តសៀមរាប ទីស្តីការក្រសួងមហាផ្ទៃ។

កិច្ចប្រជុំនេះ បានពិភាក្សា ពិនិត្យ និងកែសម្រួលលើសេចក្តីព្រាងរបាយការណ៍សកម្មភាព និងលទ្ធផលការងារប្រចាំខៃ ដោយមានការចូលរួមជាមតិយោបល់ និងលើកសំណួរពិភាក្សាដេញដោលពីអង្គប្រជុំ និងមានការបកស្រាយ កែសម្រួលពីនាយកដ្ឋានជំនាញនីមួយៗ។

មុនបញ្ចប់ ឯកឧត្តម នាយក បានណែនាំ  និងសំណូមពរដល់អង្គប្រជុំត្រូវបន្តខិតខំអនុវត្តការងារប្រកបដោយការទទួលខុសត្រូវខ្ពស់  និងអនុវត្តការងារឱ្យមានប្រសិទ្ធភាព៕