ភ្នំពេញ៖ នៅថ្ងៃពុធ ៩រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៦ ខែធ្នូ ឆ្នាំ២០២៣ លោក ឯមតាន់ សុផានិត ប្រធាននាយកដ្ឋានផែនការ និងកិច្ចសហប្រតិបត្តិការ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ អញ្ជើញមានមតិសំណេះសំណាល និងធ្វើបទបង្ហាញលើប្រធានបទ "ការរៀបចំសំណើគម្រោង" ក្នុងវគ្គជំនាញស្តីពីសំណើគម្រោង ដល់សិក្ខាកាមសរុបចំនួន ៤២រូប (ស្រី ១៣រូប) នៅសាលបាត់ដំបង ទីស្តីការក្រសួងមហាផ្ទៃ។

សូមជម្រាបជូនថា វគ្គជំនាញនេះ រៀបចំឡើងមានរយៈពេល ០៣ថ្ងៃ ចាប់ពីថ្ងៃទី០៦ ដល់ថ្ងៃទី០៨ ខែធ្នូ ឆ្នាំ២០២៣ សម្រាប់ក្រុមគោលដៅជាមន្ត្រីរាជការតាមបណ្តាអង្គភាពចំណុះក្រសួងមហាផ្ទៃ ដែលមានតួនាទីចាប់ពីប្រធានការិយាល័យឡើង និងមន្ត្រីមកពីអគ្គលេខាធិការដ្ឋានព្រឹទ្ធសភា ចំនួន៣រូប ផងដែរ។ វគ្គនេះរៀបចំឡើងក្នុងគោលបំណងលើកកម្ពស់សមត្ថភាពមន្ត្រីក្នុងការបំពេញការងារពាក់ព័ន្ធការរៀបចំ និងសរសេរសំណើគម្រោងកាន់តែប្រសើរ៕